CORTES, Bohol, Aug. 8 (PIA)-Agi og pagpasibu sa ilang ika 56 nga tuig sa katukuran niadtong Agosto 8, ang LandBank of the Philippines (LBP), naghimo og Farmers' Caravan ug Pagtugyuan sa mga makinarya sa panguma subay sa ilang aktibo nga programa alang sa mga mag-uuma, didto sa NIA Farmers' Hall, Agosto 7.

Ilawom sa ilang Agricultural Competitiveness Enhancement Fund (ACEF) Lending program, ug sa LBP Agri Mechanization Financing Program, itugyan sa LBP ngadto sa ilang mga benepisaryo nga mga kahugpungan sa mga irrigators ang mga makinarya nga gilauman sa mga mag-uuma nga magpadaghan sa ilang kita kay magpamenos sa usik sa ilang ani.

MAKINARYA SA KAUSWAGAN. Gitugyan sa LandBank of the Philippins and 31 ka mga 4WD nga cultivator ug harrower tractors ngadto sa mga kahugpungan ug pederasyon sa mga mag-uuma sa Bohol aron magpadaghan sa abut ug pagpamenos sa usik sa ani. (PIA/Bohol)

Didto usab, nahitabo ang Farmers' Caravan, diin nabati ug nasayran sa mga mag-uuma nga mitambong, ang kinatibuk-an sa ACEF Lending program pinaagi sa hepe sa LBP Lending Center nga si Cecilio Clarete.

Gipadayag usab gihapon ang programa sa Sikat Saka pinaagi ni LBP account Officer Wendell Taladua.

Naghimo usab sila sa pagpasabut sa Accessible Funds for Delivery to Agrarian Reform beneficiaries (AFFORD-ARBs) Program pinaagi ni LBP Lending Center Account Officer Giovanni Mascarinas.

Aron pag-enganyo sa mga mag-uuma sa kamatinud-anon sa pahuwam sa goberno pinaagi sa LBP, may mga mag-uuma nga nakasuway sa pahuwam ang mihatag og testimonya.

Si Kim Doroy, Presidente sa MADFIA, magasaysay sa iyang kasinati-an sa ACEF.

Sa lain bahin, si Apolinario Manigo, Presidente sa BAY-CAPAFIA magbatbat sa ilang kasinati-an sa LBP Sikat Saka Lending program.

Ang Farmers Caravan gi-alayonan usab sa Department of Agriculture, National Irrigation Administration, Department of Agrarian Reform, Agricultural Training Institute, Philippine Crop Insurance Corporation ug sa National Food Authority. (rahc/PIA-7/Bohol)